如何禁止高空抛物现象？
作者：中国创飞达高空设备租赁 来源：信息时报 日期：2011-1-9 12:09:50 人气：
导读：如何禁止高空抛物现象？这是每个城市都关心的问题。高空抛物危险至极，怎样预防，实在是一大考验。
如何禁止高空抛物现象？这是每个城市都关心的问题。 高空抛物危险至极，怎样预防，实在是一大考验。白云区云逸苑小区物业管理方面很有“创意”贴告示闹高空抛物业主“猪狗不如”。乍眼看到这条新闻，觉得非常搞笑，这个词，平时两个人嗌交先至会咁样闹，出自物业管理处的告示，这是第一次见。 高空抛物，喺我住嘅小区亦好常见。前两年，有个业主高空抛物，结果掟中一个小朋友嘅头顶，场面非常之血腥，好彩佢福大命大俾救返，唔係嘅话就係一单命案喇。 高空抛物，人人痛恨，但依然有人贪方便贪得意随手掟嘢落楼，云逸苑小区物业处贴“猪狗不如”嘅闹人告示，老老实实话，我睇咗之后觉得好解恨，对于高空抛物嘅人嚟讲，闹佢“猪狗不如”绝对闹得过，物管日日宣传夜夜讲，但依然有个别业主咁折堕，梗係猪狗不如喇。 但係，光係识闹人“猪狗不如”都唔係办法。第一次俾闹“猪狗不如”，高空抛物者可能会好火滚，第二次俾闹，佢哋唔忿气，第三次俾闹，佢哋可能习以为常了。 记得我有次去中山，喺路边见到一个由交警大队搭嘅展示台，上面放住一部经历交通事故嘅汽车残骸，成部汽车俾撞得“体无完肤”，烂得不成名堂，过路司机见衬都非常惊吓。照我睇，小区物业处可以学下，搵啲高空抛物事故嘅受害人惨状图片或者事故现场、抛落物品嘅图片，遮去一啲血腥处，同埋告示一齐贴出来，岂不是更有警示作用？ 关键字：如何禁止高空抛物现象？,高空抛物,高空,抛物,如何禁止高空抛物 |
上一篇：佛山高空吊篮车出租